بسم الله الرحمن الرحيم
هبدا معاكم مدونتى انهاردا لاول مره اعمل مدونه عشان توثق التغيرات اللى حابه اعملها بحياتى كتير مننا تعبو بحياتهم واغلبنا فينا سلبيات انا مع بداية مدونتى هحاول اغير نفسي عشان اكون انا اللى انا عيزاها مش اللى نفسى اكونها ومش هحلم هنفذ وهتمشو معايا خطوه خطوه وهنتكلم بالموضوع مش انا وحدى هنبداء سوا واحده واحده .
اولا احب اديكم نبذه عنى
اسمي (سين) / عمرى 42 سنه / بكالوريوس تجارة اداره اعمال / بشتغل بالامارات بمجال التسويق ولكنى بعد وفاه والدى اتحمل مسؤليه اسرتى بالكامل من سنين طويله وشتت نفسي كتير عشان كده موصلتش لاى هدف من اهدافى دا غير الكسل بحاجات كتير
اولا هتكلم عن الاهداف اللى حابه اوصلها وياريت الكل يبداء معايا
1- انا صراحه جسمي مليان شويه مش فظيع يعنى ولكن كرهه نفسي وانا قبل كل شيء عايزه احب نفسي تقريبا انا زايده 15 كيلو ودا اول هدف من اهدافى
2- تغير مجال عملى كبدايه لكن الهدف الرئيسي ( فتح مشروع خاص بيا ) ان كان هنا او ببلدى ويفضل ببلدى مصر الان انا اعمل بمجال التسويق بشركه معتمده فقط على الراتب خلال 3 شهور ستنتهي الفيزا ولا ارغب بالتجديد ارغب بشركة اخري تعطي عموله لتحسين وضعي امادى
هبداء اول هدف من غدا
هما دول اهدافى بالوقت الحالى هبداء دايت ان شاء الله من غدا عشان اوصل للجسم المناسب واقدر البس اللى يعجبنى مش اللى يتفرض عليا حسب جسمي وهنتابع مع بعض انهاردا وزنت لاقيت وزنى بقى 82.5 :( لازم انزل مش اقل من 15 كيلو
بتابع معاكم واحط الوزن كل اسبوع
تاني هدف
امامى 3 اشهر بحاول فيهم اقدم سيفيهات لشركات اخرى تقدر تعبي وخبرتى وبخلال هذه الفتره بحاول جانبيا بعد العمل ان اشتغل بالتسويق العقارى بشكل خفيف على امل يظبط معي اى عموله وبردو بتابع معاك يوميا عملت ايه
ملاحظات
سبب كتابتى مدونه لاحظي بالدعم لاستمر وبنفس الوقت اعطي دافع لغيري ليبدا معى لان لوحدى كل يوم كنت بقول هعمل ومعملش وهكذا انا خدت قرار وصدقونى مش مستحيل ابدا برغم عمرى مش حسباه ابدا انا هعتبر انى ماسكه كتاب حياتى وهبداء اكتب فيه سطور حياتى بنفسي حياتى اللى راحت منى نسيتها وهبداء من جديد
وشكرا
